Jowai : Ka seiñ Jaintia Youth Federation kam kawi na ki seiñ krehmonsniawbha ha kani ka 19 tarik wa da dep da paan ko da ka RTI na ka Tnat Forest yong ka Jaintia Hills Autonomous District Council yei rukom kreh kani ka tnat nadooh u snem 2005 hadooh katni.
Ha ka RTI da paan yutip ki wa kammon kani ka tnat yoh nong ko, neiwon de ki thaw wa jooh yoh yarap poisa ka tnat weiwa heiwon wei kammon da pynemkaam ya ka. Ki jait scheme wada yoh ki weiwa katwon jooh poi poisa kini ki scheme wa heiwon jooh pynkrehkaam ya kini ki scheme wei kammon man kini ki scheme weiwa katwon da dep pynemkaam ya ka poisa.
Heijooh i por da kylli leh wa kiyi wa jooh pynkrehkaam ya kini ki scheme wei i pyrtuid yong kini ki bru.
Ka seiñ da kylli ko leh wa lada yei kreh da pynkreh da ki contractor wei wow khana bniah yei rukom khut tender wa ki pyrtuid yong ki contractor. Wei lada dadep pynkrehkaam lut ya kini ki scheme wow sniawbha u e ya ki Utilization Certificate.
Katkam ki kyndon aiñ ka Right To Information Act 2005 emkaam wow e ya ki yutip hapoh 30 sngi nadooh wa pdiang ya ka.
Discussion about this post