Jowai: Ka Swachh Survekshan Grameen (SSG) 2018 da sdang ya ka ha East Jaiñtia Hills ha kani ka 20 tarik da u F.M. Dopth, Deputy Commissioner uwa man leh kam u Chairman ka District Swachh Bharat Mission Grameen, East Jaiñtia Hills.
Ha kani ka sngi da emlang leh ka Sub Divisional Officer PHE Khliehriat ka R. Kynjing, District Coordinator, Block Coordinator, kiwa kreh ka DSBM (G) wa kiwa kreh ka PHE.
Ya ka yalang da pynlai da ka Sub Divisional Officer PHE kawa man leh kam ka Member Secretary ka DSBM (G) East Jaiñtia Hills.
U Deputy Commissioner hei klam yong oo da ong u wa ka District hi waroh ka wi dang emkaam bha ko wow yaleh yow wanrah ya i khooid i jngiar wei ini da man i ka kitkhlieh yong uwi pa uwi u bru.
U W. Buam, District Coordinator, DSBM (G) East Jaiñtia Hills, Khliehriat da ong u wa ka thong ka SSG 2018 wow pait yei ku ki jylla wa ki District ha i lehkhooid ha waroh ki thaw wei daw e khusnaam leh ya kiwa da ye u poi cha ka thong.
Hapoh ka SSG daw em ki bru wow sylli ya ki kattu katni ki chnong wa da jied wow pait hadooh katwon ki manyung, ki skur, ki Anganwadi Centre, ki yungmane, ki yaaw ki hat wa ki thaw paidbah haddooh katwon man ki kiwa khooid.
Ya kiwa man kiwa khooid dooh daw e khusnaam ya ki da u montri rangbah dooh ka ri ha ka ar tarik u Naichiphaw 2018.
Discussion about this post