Beiñ ka MSCSO ya ki damok wa thmu wow thang ya ka kari u president yong ka

Wapungskur: Ka Moopynieiñ Socio-Cultural & Sports Organisation (MSCSO), Dong Moopynieiñ, Wapungskur, da beiñ joor ko ya ki damok kiwa mut wow thang ya ka kari u President yong ka, u Shaniahskhem Dkhar, da ki tiar wa da suba wow chna ya u Petrol Bomb, kawa da jia ha ka 16 tarik uni u bnai.

U Julyewanmi Siangshai, General Secretary yong ka seiñ, da ong u wa “Ka MSCSO beiñ joor ko ya kam kini ki bru wym-man kiwa thmu wow thang ya ka kari u President yong ka seiñ ha pchem yung yong oo. Ini i leh kini ki damok da pynchong syir ko ya kiwa chong chnong hapoh ka Dong Moopynieiñ wa ha ka Wapungskur hi waroh kawi.”

“U President yong i toh u bru wa jai jai wei em u ka mynsien sñiawkhian wei em u leh ya ka mynsien wow pynku ya ka imlang sahlang ha kiwa boon ki bynta. Kamtæ da man ko kawa eh wow ngait wa em ki bru kiwa pyrchang wow booh yei mynsien yong oo hei maa neini iwa leh kini ki damok,” ong sa u Deiniwan Lyngdoh, Vice-President yong ka seiñ.

Ka seiñ da e khublei ko leh ya kiwa yahkhmat ka chnong wa ki VDP yong ka Wapungskur, kiwa da chimkhia wow wan wut wut mar ya tip yeini wa jia wei da pyntip ki leh cha ki pulit.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Kamtæ ka seiñ da dawa ko na ki pulit yong ka District wow takit ki hajrong kani ka kaam wei wow thooh joor ya kiwa emkti wei wow pynchitom ya ki katkam ki kyndon ka aiñ, yow wanrah ya i chong chngaaiñ wa i chongsuk chongsaiñ hapoh ka Dong Moopynieiñ wa ka chnong Wapungskur hi waroh kawi,” ong chooh chooh u Siangshai.

“Ka MSCSO da kyrpaad ko ya kiwon kiwon ki bru wa tip ya kiwa emkti hei wow leh ya kani ka kaam wei wow pyntip ki cha ka seiñ næ ki pulit khnang wow yoh u kem wei wow pynchitom ya ki katkam ki kyndon ka aiñ yow pyndooh ya kam kini ki kaam sih hapoh ka imlang sahlang.” pynkut u Deiniwan Lyngdoh.