Jowai: Ka seiñ 6 Shnong Wah Lukha Association ka seiñ wa kynthup ya ka chnong Sonapyrdi, Sakhri, Lum Tongseng, Shymplong, Borsora wa Kuliang kiwa haap hapoh ka Elaka Narpuh, ynne ka sngi da li e dorkhat ki ha u CEM wow dawa e kti noh wow pait yei bha ka Wah Lukha cha ki.
Ha ka dorkhat ka seiñ da ong ko wa ya ka Wah Lukha da dai lilam ka council ka man u snem cha ki bru samen wei lada e cha ka seiñ wow pait ya ka daw yarap ya ki tre chnong wow yada ya ka na kiwon kiwon ki kaam kiwa ye u pyntngit pyntaroi ya ka wah.
Ka seiñ da ong ko leh wa da em ko i thmu wa boon jait wow sdang deilang wa ki dorbar chnong yow pynman ya kani ka wah kam ka thaw wow riñ ya kiwa wan uiñke suwari. Kamtæ daw yarap ko leh ya ki tre chnong wa em cha kani ka thaaiñ wow yoh khih yoh khan ki.
Heijooh i por ka seiñ da ong ko wa lada ka JHADC kwah ko leh wow yoh poisa lang na ini wa daw kreh ka seiñ, ka seiñ leh wailad ko ya ini.
Da pynkut deiwa ong wa ini wa leh ka seiñ ymtoh wow yoh myntoi yong uwon uwon u bru samen toh dei yei pyrkhat yeiwa emkaam lang kiwa boon.
Discussion about this post