Ynne da pynyieñ ya waroh ki Dieñkhlam yong ka Raij Mukhla hei sakhi ki khon ka Raij

Jowai: Ka Behdieñkhlam ka Raij Mukhla ynne ka sngi da poi ko cha sngi wa le heiwa ki khon ka Raij kynthai wa chynrang ki manbei manpa da mih yonglang ki u lai Chaad sngi.

Ya kani ka chaad da sdang na Mukhla Nongrim, Madan E-yadaw Masi, cha Mukhla Chohchrieh Umlangshor, Ladmukhla wei da pynkut ya ka ha Mukhla Nongrim ha Madan Ryngkaw, hadien won da pynyieñ ya ki 3 tylli ki Dieñkhlam, uwi ha Wahchnong ar tylli won ha Madan Ryngkaw.

Kini ki ar tylli toh uwi yong ka chnong Mukhla Nongrim wa uwi won u yong ka Chnong Mukhla Umlangshor kiwa man ki Chong Bri, ya uni u dieñkhlam ki Chong Bri da wanrah ya oo ynne ka sngi.

Kamtæ hadien kani ka ya chaad sngi wa i pynyieñ ya ki dieñkhlam da pynman ya ka Dorbar Niam heiwa pyllai ya ka da u Pa Langdoh ha ryngkat ki wasan yong oo ha kani ka Dorbar Niam da yoh ya ki kyntien sneiñ na ki wasan, ki waheh ka Seiñ Raij Mukhla wa na u Wailadmiki Shylla u MLA ka thaaiñ.

Related posts

Da rah tarik ya ka General Meeting ka Kur Sana kawa daw pynman ha Jowai

May 7, 2025

Ym chah ya kiwa wan dai baam ha ka Chaad Sukra ka Seiñraij Chnong Tuber Kmaichnong

May 3, 2025

Ha kani ka Dorbar Niam da yaklam ya ki kaam ka Behdieñkhlam neibynta mynstep ka sngi Muchai kawa man leh ka sngi pynkut ya kani ka lehniam.

Ya ka lehniam mynstep u sdang ko nadooh 6:00 waje i step ha yung ka Langdoh hadien ini daw mih kñia ha Khloo Blai wei daw pynbood won sa i lai choh thyndai yung da ki dieñ wa liar kiwa da tah pynwan dur bha.

Ki rot namo ki rong u wanrah lut ya ki ha madan Ryngkaw heipor 1:00 waje i sngi wei u pynhiar ya ki cha Biar heipor 2:00 waje wei u kongsan u wan u heipor 2:00 waje nohchariñ ka sngi katwa ya ki rong daw noh heipor 3:30.