Jowai: Wow pynkhlan yei rukom krehkaam yong ka, ka seiñ AJSU ynnin ka 27 tarik da hiar ko cha Nartiang wa haap hapoh ka Nartiang Elaka wow pynkha ya ka Nartiang Circle yong ka tnat ha kpær Moopynyieñ wa em ha kani ka chnong.
Ya ka yalang da pynlai da u TW Dkhar uwa man kam u Vice President ka seiñbei hei emlang u Derick Phawa, President AJSU Jowai Circle.
Da yoh yei klam na u PS Phawa ya ki kyndon krehkaam ka seiñ ryngkat wa ki aiñ wa yatoh wa ka seiñ.
U General Secretary ka seiñbei, u L Phawa da pynskem u ya kini ki dkhot ryngkat ki kyntien e khublei ya ki dkhot ka Nartiang Circle.
Ha kani ka sngi da pynskem ya u Slimki Phalangki kam u President, u Dawyo Siangshai kam u General Secy, Dong Nongjit kam u Organising Secretary, u Bor Swer kam u President, u J. Bhoi kam u Asst. GS, u T. Dkhar kam u Finance Secy., u B. Phalangki kam u Sports Secy., u Ngait Swer kam u Discipline Secy., u Focare Lamare kam u Publicity Secy wa u Sunil Siangshai kam u Education Secy. chirup wa ki 15 ngut ki dkhot wa pura ka Circle.
Neiliang u L. Phawa da pynkular u ya ki dkhot ka Nartiang Circle deiwa kitbok ya ki wei wow man ki kiwa kreh chitom ha ki kaam ka seiñ.
Discussion about this post