Joor kiwa em HIV ha ri-loom Jaiñtia: HS Shylla

Shillong: U CEM ka KHADC u Hispreaching Son Shylla ynne ka sngi da ong biang u wa i poor i kjut AIDS wa u khniang HIV daw booh ko ya ka jaitbru yong ki hei ma wei da kyntu u leh ya ka sorkar jylla wow yaleh thma heiyatoh wa ini.

“Ya kam i ki khian paaid nga sniaw O waka HIV/AIDS daw booh ko ya ka jaitbru yong i hei ma khamtam ki khynroo ki khyllood wei da toh i por wow khyrngiat yei ma wa mih na ini i kjut wei e O leh yei mynsien sniwathoo ya kiwa chah ktah.” da ong u.

U Shylla da ong u leh wa ka Khasi Hills Autonomous District Council (KHADC) daw e yarap ko leh ya kiwa chah ktah ha ka HIV/AIDS khamtam kiwa na kiwa manyung kiwa dooh wa duk.

“Nga kut O ya waroh ki lok MDC kamjooh ya nga wow noh kyllooid wow yarap ya kini kiwa chah,” da ong biang u.

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Ini i ong u toh wa hadien wa mih kiwa pyrchah ya ka Khasi Social Custom of Lineage Bill, 2018 heiwa da ong u man ko ka laad wow yada na kani kani ka jait kjut.

“Lada klam O ya kani ka kaam wa sniawkhia O kammon klam bakla O.” da ong u Shylla.

“Katkam ka bui (Report) wa da klam toh kawa mih naka tnat Ministry of Health and Family Welfare kawa da wanrah hapoh Parliament kawa da ong wa i ku i poor ka HIV toh neidaw wa thiah kurim khleh wa i pynemkaam drug deiwa Inject iwa da joor bha ha ka jylla Meghalaya, Mizoram wa Tripura,” da ong chooh chooh u.

Da pteiñ u leh deiwa ong wa man ko kawa khyrngiat wa kiwa yoh HIV hapoh ka jylla da tip nyngkong ha u snem 1991 wei hadooh u snem 2007 da em ki hadooh 14 ngut.

U Shylla da kam u leh wa ya ini i kjut da wanrah da kiwa na baar jylla wei sniaw wyrai u leh ya kiwa chah ktah.

Da ong u leh wa ka National AIDS Control Organization (NACO) lyngba kiwa krehkaam yong ka wow yada ya ki bru wa em ha ki thaw wow ye u yoh ya kani ka jait kjut lyngba ki kynthai wa em ha kani ka kaam kiwa emlang wa kiwa wan na baar jylla da ktah joor ko khamtam ha ri-loom Jaiñtia kiwa man kiwa da chah ktah joor dooh.

U Shylla da ong u leh wa lada bichaar ya ki kyndon ka Union Ministry of Health, da phah ya waroh ki kynthai wa punkhon lyngba ka Meghalaya AIDS Control Society (MACS) wow sylli ya ki kynthai wa punkhon tangwa ya ini waroh ym em wa leh ha ki thaw sumaar sorkar.

Da ong u leh wa ki dawai Anti Retroviral Therapy drug (Nevirapine syrup) kiwa toh u pynemkaam toh kiwa da kut por ha uni u bnai wei hadooh ha NEIGHRIMS leh da lut dawai ki.

“Ini man i iwa ma ya kiwa punkhon heiwa boon kiwa boon khon toh kiwa da suba toh kiwa em HIV nadooh uni u bnai hadooh u Naichiphaw uni u snem.” da ong u Shylla.