Jowai: Ka National Mission on Government e Marketplace (GeM) daw sdang ya ka nadooh ka 5 Naikhynde 2018 wow pynchlur yei pynemkaam ya ka GeM ha waroh ki tnat ka sorkar pyrdi, ki sorkar jylla wa ki tnat yong ki.
Ka thong yong kani ka National Mission toh wow wanrah yei embynta, i rukom krehkaam wa khooid, wa i chaniah na ki paidbah wow dam noh u pynemkaam ya ka poisa kot (cashless/paperless transaction) wei ini daw yarap i wow pynku ya i chaniah wei kamjooh leh daw yarap i yei rukom pynlai poisa ka sorkar.
Ha ki 6 tayaw wow wan daw em ka Special Drive ka wow sdang nadooh ka 6 Naikhynde hadooh 15 Naichiphaw 2018, wei kani ka kaam u sdang chwa ko na ki nongbah ki jylla ya ki wow sdang da ki montri rangbah.
Ki bynta wa kongsan toh wow esikai hajrong wa kammon wow pynemkaam ya ka GeM cha kiwa thied, kiwa dai heiwa daw em ka registration neibynta ki wow pynemkaam ya ka.
Kani ka GeM kattu da dap ko ar snem wei ha kani ka 26 tarik uni u bnai da tam ko palat T. 10,800 klur wei da em palat 1.35 lak kiwa dai wa thied kiwa da register wei em hadooh 4.43 lak ki jait mar wa tywqa lyngba ka GeM heiwa da em 26,500 tylli ki seiñ kiwa man kam kiwa thied.
Hanlada waroh ki jylla (State) wa ki Union Territories (UTs) pynemkaam ki ya ka GeM, wei kattu won 25 tylli ki jylla wa ki UTs da soi ki ya ka soskular namo ka MoU wow pynemkaam noh du da ka GeM.
Ka GeM yarap ko ya ki tnat ka sorkar pyrdi, sorkar jylla wow yadai yathied bait sak nawi hawi.
Discussion about this post