Mynstep u sdang ya ka sorkar pyrdi ya IPPB deiwa em palat 650 tylli ki tnat chisien wai

Jowai: U montri rangbahdooh ka ri, u Narendra Modi, daw wai u ya ka India Post Payments Bank (IPPB) ha Talkatora Stadium, New Delhi mynstep ka 1 Naikhynde.

Ka IPPB toh kawa kawa da booh thong khnang wow man ko kawa suk wow pynemkaam, wei ka rukom krehkaam yong ka bank kawa chaniah da ki paidbah wow yarap wow kynthup ya waroh ha ki kaam bank katkam wa angnood ka sorkar pyrdi. Daw yarap ko leh ya ki tnat yong ka Department of Posts kawa em yung krehkaam ha waroh ki kdong ki chmiang ka ri heiwa em palat 300,000 ngut ki Postmen wa Grameen Dak Sewaks.

Manda sdang ya ka IPPB daw man u kam u moomær ya ka sorkar pyrdi wow wanrah yei kylla ym du ha ki thaaiñ sor tangwa ha waroh kawi ka ri kamjooh.

Ha ka sngi wai ya ka IPPB daw em hadooh 650 tylli ki tnat wa 3250 tylli ki Access Points ha waroh kawi ka ri wei ya kini daw wai ya ki heijooh i por.

Related posts

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist  

May 17, 2025

Daw em waroh 1.55 lak tylli ki Post Office ya kiwa daw pynyabi (linked) wa ka IPPB System hadooh u 31 Kmaichonglad (Dec) 2018.

Hapoh ka IPPB daw em boon tylli ki rukom chakri (Services) kam ka Savings wa Current Accounts, i phah poisa, u su ya ki bai um, bai bordiñ, ka Direct Benefit Transfers ya kiwa yoh myntoi naka sorkar wa ka Enterprise and Merchant Payments.

Kini ki rukom chakri daw e lyngba kiwa boon ki bynta namo ki multiple channels (counter services, micro-ATM, mobile banking app, SMS & IVR), deiwa pynemkaam ya ka stat ka juk wa katni.