Jowai: Ka Draft Electoral Roll yong ki soo tylli ki Constituency ka WJH wa kynthup ya ka 1- Nartiang Assembly Constituency, 2-Jowai Assembly Constituency, 3-Raliang Assembly Constituency wa 4-Mowkaiaw Assembly Constituency da pynlait ya ki wei da ekti leh ya ki kamjooh ha kiwa mihkhmat yong ki party ynne ka sngi da u S.C Laloo, Additional Deputy Commissioner & Electoral Registration Officer ha kamra krehkaam yong oo hei emlang ka D. Blah, Thadlaskein Block Development Officer, C&RD Block, Thadlaskein wa kiwa kreh ka Election Branch.
U Laloo hawa e i klam da pyntip u wa ka Election Commission of India da phah ko wow pynthymme biang ya ki Electoral Roll wei ka tarik wa khaddooh u kheiñ kiwa ye u pynpsiah pyrtuid (lada dap 18 snem) toh katkam ka 1 Duyatra (January) 2019.
Chooh chooh da pyntip u wa hapoh yong ka Special Summary i kam, pynkylla, wow boh næ pyrchah yei em pyrtuid wa kiwi kiwi ye u leh chwa ka 31 Naichiphaw deiwa pyndap ya ka form 6, 7, 8 namo 8 A katkam wa emkaam.
Discussion about this post