Shillong: Kiwa pynlai chnong ka Shillong, kiwa pynlai ya ki thaw puræ ka sor kamjooh kiwa sikai ynne ka sngi da chong ki wow pyrkhat kammon wow tooh ya ki laad ki luti wow pynduna yei sahkut ki kari ha ki sarok Shillong.
Kiwa boon da pachat ki wow pynbiang ya ki kari kamai ka sorkar kamjooh leh ya ki School Bus yow duna kiwa wan thooh skur da ki kari samen wow pynkylla leh yei rukom lai ki kari, u pynheh ya ki sarok, u chna ya ki Fly Over wei wow pynkhor deiwa pyndeiñ kuna ya kiwa yah kari kiwa tyngkheiñ ya ka aiñ.
U Chairman ka Synjuk Ki Rangbah Shnong Ka Bri Hynniewtrep, u Dr. Werlok Kharshiing da e buit u wym hoi de u chna namo wow booh ya ki yungkrehkaam sorkar ha Shillong wei wow booh noh ya ki cha New Shillong Township yow pynduna yei khynnia ka Shillong.
Da ong u leh wa toh u chna ya ki yaaw ki haat cha baar ka Shillong yow ye kiwa khayi u dai ya ki mar yong ki yow lait ki u wan psiah cha sor wei wow chna leh sa ki sarok khian yow lait ki kari u lai bait na ki saroh heh namo ki Main Road.
U Principal ka St. Edmund’s College, u Sylvanus Lamare da ong uwa i pynemkaam ya ki School Bus toh u man kiwa ym hoi u dam yow pynduna yei sahkut ki kari heipor wa lai wa heipor wa wai skur khamtam ha ki thaaiñ Laitumkhrah.
Da pachat u leh wow e laad ya ki kari wa wan na ri-loom Jaiñtia kiwa mut wow lai cha Nongstion yow lai ki na Shillong Peak.
U Rangbah Shnong ka Mission Compound, u GS Basan da ong u kam ha ka dong yong oo toh wow pynkylla ya ki thaw pynyieñ kari na ki por cha ki por nadooh u bnai nyngkong u snem wa thymme.
Ya kani ka chong phyllu yumut da pynman da u Meghalaya Director General of Police (DGP) In-charge u Raghvendra Awasthi.
Heiwa neiliang yong oo da ong u wa da emkaam wow booh jaar jair i por sdang wa i wai skur yow ye u pynduna yei sahkut kari.
Discussion about this post