Jowai: I sahkut ki kari ha sor Shillong man i iwa da ktah ya kiwa boon kiwa sah ha ka sor kamjooh leh kiwa na baar wa wan emkaam ha sor neibhah ini da ktah joor i khamtam yei por yong waroh ki bru iwa da pynman ya ki bor sorkar wow khut yalang dei langær hajrong kani ka phang.
Heiyatoh wa ini, neiliang u montri rangbah ka jylla, u Conrad K Sangma ynnin hawa yaklam wa kiwa pathai khubor da ong u wa ka sorkar da phah ko ya ka tnat pulit pynlai kari wow em i ngait sneiñ ya ki kyndon, wei da pynkhlan chooh chooh ki pulit wa pynlai kari.
Da pyntip u leh wa ka sorkar da booh ko leh 18 tylli ki thaw wa ymtoh wow yieñ ki kari wei heijooh i por dang bichaar leh wow yoh chiboon tylli ki sarok wa mih wa psiah cha Shillong.
Da ong u wa ka sorkar da chimkhia ko ya ini i eh wa takhooh ki paidbah hanlada ym man i iwa suk wow leh pyn katni hi.
Discussion about this post