Daw pynman ya ka Dorbar Paidbah ki Muster Roll ha ka 7 tarik

Jowai: Ka Dorbar Paidbah ki Muster Roll kiwa kreh ha ki tnat ka sorkar jylla Meghalaya wa ha kiwi tawan ki thaw krehkam kam ki kharkhana, kiwa kreh mistri, kiwa su da ka nongsngi ya kiwa kreh yong ki, kiwa em ha ri-loom West & East Jaintia, u man ko ha ka 07-09-2018 heipor 10 waje i step ha yung ka Dorbar Chnong Dulong Jowai.

Ha kani ka Dorbar u ya klam bniah ya i dawa ka seiñ kam ka bai nongsngi kawa thmu ka sorkar Meghalaya u pynku cha ka T. 300 chisngi, i slem i su bai nongsngi ka PWD (Rds&Blds) wa kiwi kiwi ki tnat sorkar ha ri-loom Jaiñtia waroh kawi. Khamtam, yow yaklam halor ka Memorandum kawa da wan e ka seiñ ha u Prestone Tyngsong u Deputy Chief Minister kamjooh uwa pait ya ka tnat Labour, wei da e ya ka leh ya ka Memorandum ha ki minister wa ki MLA na ri-loom Jaiñtia.

Ka seiñ da yooluti, ko leh wa neiliang ka tnat Labour ka West Jaiñtia daw saam ko ya ki tiar kreh cha kiwa mylla sngi kiwa da man dkhot ha ka MB&OCWB.

Kamtæ ka seiñ da kyrpad joor ko ya waroh ki Muster Roll næ ki Daily Wage Earner khamtam ya kitu kiwa kreh hapoh Office kiwa da biang ka puræ ka puthi, kiwa mylla sngi ha kiwi tawan ki tnat sorkar Meghalaya kam kiwa chet ja sngi ha ki skur SSA, kiwa kreh ha ki karkhana, kiwa kreh mistri, kiwa mylla sngi cha yung wa kiwi kiwi tawan  kiwa chong dukan, kiwa yah kari nongsngi, wow yawan waroh cha kani ka Dorbar, khnang wa yow ye i u yalehlang, yow ya kitlang ya ka hok kawa chong hok u yoh na ka sorkar  Meghalaya wa na ka sorkar India katkam ki aiñ yong kiwa mylla sngi kiwa da pynmih na ka yung bichar waheh duh ka Supreme Court ka ri India.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka yakreh lang yong waroh kiwa mylla sngi hapoh ri-loom Jaiñtia wa ha ka jylla Meghalaya toh iwa kongsan bha ha kini ki sngi, khnang yow lai bait lai ryntih noh i hok, i myntoi iwa toh u yoh kiwa mylla sngi na ka sorkar jylla Meghalaya ka Sorkar India , kamwa ya ki Muster Roll næ kiwa kreh mylla sngi da tipmit da ka aiñ ka Sorkar India.

Ini toh katkam wa pyntip ka Manda Bareh General Secretary, Jaintia PWD Muster Roll Workers & Labour Union, HQ- Jowai.