Pynkupburom ka East Jaiñtia ya ki san ngut ha ka sngi wa kyrpang kiwa sikai

Jowai: Ka District School Education Officer, East Jaiñtia Hills ynnin ka sngi da lehkmen ko ya ka sngi wa kyrpang kiwa sikai kawa tip kam ka 57^th Teacher’s Day Celebration ha Khliehriat Higher Secondary School, Khliehriat.

Ha kani ka yalang da emlang leh u montri ka sorkar jylla, u Kyrmen Shylla kam u kongsan, u Frederick M. Dopth, Deputy Commissioner, EJH kam u symbood kongsan, ka G. Pde, DSEO warim, u S.Laloo DMC, ka P. Dkhar i/c SDSEO, ka D. Khongiong i/c DSEO wa u D. Diengdoh, u Vice Principal ka Jaiñtia Eastern College, Khliehriat wa kamwa 300 ngut kiwa sikai na kylleiñ ki skur wa em hapoh ka East Jaiñtia Hills District

Ha kani ka sngi da saam leh ya ka District Award cha 5 ngut kiwa sikai wa kynthup ya kini hawah:

U Vishwanathan K. na Khliehriat Higher Secondary School uwa sikai ha ka Secondary Section.
U Ribait Oo Pde na Tep Kyndait Government U.P. School, Tuber uwa sikai ha ka Primary Section.
U Shaniah Phawa na Dkhiah West L.P. School.
Best Scout Master da e cha u Lesser Thabah na ka Little Star Secondary School, Lad Rymbai.
Best Guide Captain da yoh ka Eusebia Dkhar na Samasi Government L.P. School.