Kyntu ka JSM ER ya ka MeECL wow sylli ya u Transformer ha Ladsutnga yow lait nei jia wa sñiawsih

Jowai: Hadien wa ujor ki paidbah, ynne i sngi ka seiñ JSM ER hapoh i yahkhmat u Vice President yong ka u Marbud Chyrmang da lai li pait ko ya uwi u transformer wa em ha ka dong Ladsutnga, Dkhiah East.

Uni u transformer toh uwa em hadien kawi ka thaw sumaar, heiwa da chem wa i rukom man u toh iwa booh hei maa ya ki paidbah khamtam ki khynnah skur neibhah em u ha rood sarok wei i rukom kær ym man ware i iwa paka.

Hei yatoh wa ini u Chyrmang da ong u wa ini i leh habra ka MeECL da booh ko hei maa ya kiwa lai wa wan kamjooh ki paidbah wei khamtam leh ki khynnah skur.

Kamtæ ka seiñ da kyntu ko ya ka tnat MeECL wow chimkhia yeini yow lait na iwon iwon i jia wa sñiawsih.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024