La 17 bnai ym em yoh tulop kiwa kreh ka GHADC iwa kynjoh T. 80 klur: CEM, GHADC

Shillong: U CEM ka GHADC u Dipul R Marak da ong u wa kiwa kreh ka Council kiwa em palat 2,000 ngut, ym em yoh tulop ki kattu la 17 bnai wei kani ka tulop da kynjoh ko cha ka T.80 klur.

U CEM ka GHADC da ong u da pynsñiaw u ya ini ha u Montri Rangbah uwa da pyntip wa ka sorkar daw thooh laad ko wow e ya ka tulop ya kiwa kreh ka Council.

Hawa kylli won na ki CEM ka JHADC wa KHADC ya i em kiwa kreh ha ka council, da pyntip wa ha ka JHADC em kamwa 1700 ngut katwa ha KHADC em hapoh 700 ngut wei kiwa biang ka tulop.

Hajrong ka Garo Codification of Customary Law 2009, kawa da mynjur da ka GHADC ha u snem 2016, u Dipul da ong u wa kani ka aiñ thmu ko wow yada nei chah hiar thma ki Garo na kiwi ki jaitbru ha ka chongkha chongman. Da ong u wa katkam kani ka aiñ kawa da pynyeiñ da ka sorkar warim, kawon kawon ka kynthai Garo kawa yoh kurim da uwa ymtoh u jatbru ri-loom, ka wa ki khon yong ka, daw dooh ki yei man bru loom ki (Scheduled Tribe).

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

Da ong u wa ka GHADC daw rah biang ko ya kani ka Bill ha ka dorbar wow wan wow mynjur wei daw phah biang cha ka sorkar jylla neibhah wa ka sorkar warim wa yahkhmat da u Mukul Sangma, ympu em phah ko ya ka cha u Lat wei da pynuiñ hi-eh da ka sorkar jylla, iwa man pyrchah aiñ.