Kyntu ka AJSU wow ujor cha ka lada ym biang i pynkrehkaam ya ki scheme sorkar

Jowai: Ka seiñ, All Jaiñtia Student’s Union (AJSU) Nartiang Circle deilang wa i krehlang waka AJSU Khanduli wa Lapangap Unit hadien wa yoh ujor ki naki paidbah wa boon ki Scheme sorkar kam ka PMGSY, PMAY, MGNREGS wa kiwi wa haap hapoh ka Thadlaskein C&RD Block ym em krehkaam bha ki wei boon toh kiwa pyndep du chiteiñ wa kiwa kreh habra.

Neiliang ka Circle wa ki Unit daw sdang boodien noh ki ya kini ki kreh lyngba ka RTI wa da pynkreh hapoh kani ka thaaiñ wei neiliang ka seiñ da kyntu ko ya ki bru kani ka thaaiñ wow wan ki chakhmat wow ujor lada chem ki wa i pynkreh ya kini ki Scheme ym leh katkam ka kyndon aiñ namo lada em ki kaam baam-tooh yow ye ka seiñ wow ujor cha ki bor wa ha khlieh.

Chooh chooh neiliang ka seiñ da kyntu joor ko ya kiwa pynkreh kiwa pait ya i pynkrehkaam ya kini ki Scheme wym toh u dawa næ wow paan poisa na kiwa pli kiwa toh wow yoh ya ka hok ka yong ki khamtam kiwa em ha ka BPL.

Ka seiñ da maham ko wa lada chem kam kini ki bru daw ujor ko pyrchah ya ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh won wa u sarok nadooh Wahiajer chadooh Khanduli, ka seiñ da ong ko wa man u kam wa chong kule uwa da pynchna thymme du kattu kanti snem wei kiwa boon ki paidbah hanlada ood ki tangwa ym em wa nood wow mih cha u MLA ka thaaiñ.