Jowai: Ka Seiñ Raij Raliang da pynman ko ya ka kreh yonglang ynne ka sngi 9 tarik wa ia mih chongchit ki wow pynkhooid pynjngiar ya ki thaw kyntang kiwa em hapoh ka chnong ka Raij.
Ha kani ka sngi da pynkhooid ya ki Mootylleiñ namo ki thaw pynchong pynthiah ya ki chyieñ ki chrooh yong kiwa da khlaad, i yung booh tiar yongrim, i thaw chongke, i thaw tlep khonlor wa kiwi kiwi.
Ya ini da leh kam chi bynta wo pynneh pynsah ya ka bei rymaw.
Ha kani ka sngi da emlang ki waheh wasian yong ka Seiñ Raij wei da thung leh ya ki soh ki pe ki syntu ki skud ki wow pynyoosuk ya kini ki thaw kiwa man leh kam chibynta ka thaw uiñkei suwari kawa em ki parom ha kani ka thaw.
Hadien wa da dep u pynkhooid ya kini ki thaw da em ka yalang wa tbian ha yung Seiñ Raij Chrah-Umphula wa da pynlai da u Binroy Dkhar uwa man kam u President ka Seiñ Raij Raliang, da yoh leh i kyntien e khublei ya ki khon Seiñ Raij na u Hamjhan H. Dkhar General Secretary.
Discussion about this post