Da ka Documentary film u chna ka KSU yei dap 40 snem ka seiñ

Jowai: Ka Quadrennial Celebration Committee yong ka Khasi Students’ Union kam chibynta wow lehkmen ya ka lyngkhooh snem kawa 40 yong ka seiñ da thmu ko wow pynmih ya ka Documentary Film yong ka seiñ kawa nadooh ka seiñ sdang ko ha u snem 1978.

I thmu yong kani ka Documentary toh wow pynyoo yei pynwandur ya i lai luti yong ka seiñ ha i chakri ka yong ka ya ka jaitbru ha kini ki 40 snem wa dadep. Chooh chooh ha kani ka Documentary da thmu wow pynyoo ya i man i long yong ka seiñ deilang wa kiwa yahkhmat nadooh u snem 1978 wei wow ngam yillu leh ya ki phang kiwa ka seiñ ka booh ko ha khmat dooh nadooh wa da seiñ ya ka.

Kamtæ ka Quadrennial Celebration Committee yong ka seiñ da kyntu da kyrpaad ko ya kiwon kiwon ki jait dur, sur (audio), (video), ki thoh ki tar wa ki kotkhubor kiwa yatoh wa ka KSU khamtam ha ki por kiwa nachwa wow sñiawbha ki wow e cha ka seiñ khnang wow ye u pynbha ya kani ka documentary wa thmu wow pynmih.

Kiwa em ya kini wa emkaakm ka seiñ ye ki u pynpoi ya ki cha ka yungkrehkaam ka seiñ ka ‘Office of the Khasi Students’ Union, Jaiaw Chapel Road, Shillong -793002′ wei ye leh u phone ha kini ki number wa hawah: