Phah ka Dorbar Chnong Tympang ya waroh kiwa chong yung wai wow pynbiang ya ki kot ki sla yong ki

Jowai: ka Dorbar Chnong Tympang, Jowai da pyntip ko cha ki dkhot ka chnong, ki tre yung, kiwa chongwai wa chong chnong hapoh u pood u ang ka Dorbar Chnong Tympang, Jowai wa katkam ka Meghalaya Residents Safety and Security Act, 2016 wa waroh ki tre yung wa e yung wai cha ki bru wa wan na kiwi ki chnong wa haap ki wow pynbiang ya ki kot ki sla kiwa emkaam kiwa chongwai, ki kot ki wow pynsakhiat na kawon ka chnong næ ka dong kawa jooh sah ki namo i chnong tre yong ki.

Ya kini ki kot ki sla kiwa chongwai u haap ki wow pynbiang wei wow booh ha ka yungkrehkaam ka Dorbar Chnong, kamjooh leh wow e chi jur ya kini ki kot neibhah kawi toh ka wow phah cha Jowai Police Station.

Ki kot ki sla kiwa ki haap ki wow pynbiang toh ka Residential Certificate na ka chnong wa ki jooh sah ki wei kamjooh leh haap ki wow soi ha ka Form A wa dadep type ha ka Non – Judicial Stamp Paper wa T. 10 wei haap wow sakhi da ki ar ngut ki bru wa tipmit heiwa uwi u toh u man u u tre chnong uwa chongwai. Kawi ka Photo Copy yong ka EPIC (Voter ID) næ ka Ration Card na ka chnong wa ki wan ki, 2 tylli ki dur Pass Port Size yong waroh ki wa sah lang ha ka jooh ka yung wai. Lada man u/ka khynnah puræ, emkaam ka Certificate na ka thaw puræ næ ka Identity Card kawa e na ki skur/College/University.

Toh leh u kynmoo ki wa em 2 tylli ki Form A wa B, ka Form A ka wow type ha ka Non Judicial Stamp wa T. 10 katwa ka Form B toh u pyndap da ki tre yung ya kiwa chongwai wei ya kini ki Form ye u yoh naka yung krehkaam ka Dorbar Chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki Dkhot ka Executive Committee ka Chnong ki ye ki wow sylli bniah ya ki kot ki sla kiwa toh u pynbiang katkam katai ka aiñ ha iwon iwon i por, kamtæ da kyrpaad leh ya kiwa chongwai wow man ki kiwa da pynkhreh.

Neiliang ka Dorbar Chnong daw booh ko leh ya ka Register, kamjooh leh ka file wow sooh lang ya kini ki kot wa emkaam waroh, kiwa daw haap wow pynsakhiat da ki Pulit (Police Verification) hapoh 90 sngi nadooh wa da pynmih ya kani ka khubor.

Ya ka yutip wa rap bniah wei wow wan puræ bniah ya kani ka aiñ ha yung krehkaam ka Dorbar Chnong, man ka janmiet ha i por 6:00 hadooh 7:00 waje i janmiet.