Pynkupburom ka MSCSO ya ka skur Step By Step Sec. School, Wapung

Wapung: Ka Moopynieiñ Socio-Cultural & Sports Organisation (MSCSO) ka seiñ kawa naka thaaiñ Wapung ha kani ka 7 tarik kawa dadep da pynkup burom ko sa ya ka skur Step By Step Sec. School, Wapung neidaw wa da jop ko la 4 sien ya ka naam March Past ha ka Independence Day wa ha ka Republic Day nadooh u snem 2014 hadooh 2018 wa da pynman da ka East Jaiñtia Hills District Administration waka Wapung C&RD Block.

Ya kani ka yalang pynkup burom wa pynman ha kani ka skur kawa da pynlai da u Deibormi Rymbai u EM ka MSCSO wei da emlang leh Shaniahbha Dkhar wa u July-Ewanmi Siangshai, President wa Genl. Secretary ka MSCSO, u Cheerful Ryngkhlem wa u DL Rymbai, Chairman wa Genl. Secretary, Dong Moopynieiñ, u MH Dkhar u President ka AJYWO Central Body, ka Principal ka Theily Dkhar, kiwa sikai ka skur, ki khynnah skur wa kiwi kiwi de.

U MH Dkhar hei klam yong oo da ong u wa man ko kawa sñiaw sarong wow yoo wa ki skur ha ka thaaiñ Wapung katni da ku ki chakhmat ha kiwa boon ki bynta wei i jop kani ka skur la soo sien kattu ymtoh iwa suk neibhah emkaam i ryntih hei rukom man wei kamjooh ka kreh chitom yow ye wow jop.

U Shaniahbha Dkhar hei klam yong oo da ong u “Nga wa ka MSCSO i pynsñiaw i yei sarong ya ini i naam wa da wanrah kani ka skur wei e mynsien O leh wa kani ka skur wow nang ku ko cha khmat wei wow rah burom chooh chooh ko ya ka thaaiñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U D L Rymbai leh da e yaroh u ya kani ka skur kamjooh u Cheerful Ryngkhlem.

Kam ka dak wow pynchlur ya kani ka skur u Shaniahbha Dkhar, President yong ka seiñ, da e sñiawbha u da ka Certificate of Achievement ha i dur yong ka Memento cha ka Principal ka skur waka song poisa wa T. 5000.