Shillong: Ka sorkar jylla da booh thong ko wow pyndep noh u thung ya kiwa sikai ha ki skur sorkar hapoh u Kmaichonglad (Dec) uni u snem kiwa em kamwa 1000 tylli ki kaam hikai wa lait ha ki skur sorkar, wa kynthup ha ki Lower Primary wa Upper Primary ha waroh kawi ka jylla kiwa ka sorkar daw khut pyndap ko.
U Montri wa pait yei puræ puthi, u Lahkmen Rymbui da ong u, “Ka sorkar da rai ko wa i thung kreh ya kiwa sikai u sdang noh i wei i pynkhreh da man i iwa lai chaaid chaaid wow khut Application noh wei kwah i wow pyndep yeini waroh hapoh uni hi u snem.”
Hawa jubab heiyatoh wa i kyrdan puræ wow ye u pyndap ya kini ki kreh, u Lahkmen da ong u wa emkaam wow pyndep ya ka Meghalaya Teachers Eligibility Test (MTET) ryngkat i puræ na ki College ha ki kyrdan waphær waphær wei emkaam wow yoh ym duna ya ka 45 percent.
Katkam i ong u Lahkmen, ka rukom thung kreh ya kiwa sikai ha ka jylla daw leh katkam ki kyndon ka National Council for Teacher Education (NCTE).
Discussion about this post