Jowai: U Montri wa pait ya ka tnat khloo ka sorkar jylla, u Lahkmen Rymbui da ong u wa ym em yutip u iwon iwon leh heiyatoh wa i oor khyndaw ha ki thaaiñ Khanapara-Jorabad kawa haap ha Ri-Bhoi District, khappood ka jylla Meghalaya wa Assam, kawa da mih leh i pynbaad wa toh neidaw wa chlai um ha kani ka thaaiñ dang ini wa dep.
U Lahkmen da ong u wa katkam wa paw ha ki khubor i chlai um ha Ri-Bhoi toh neidaw wa tia pood ware ki dukan wot cha ki dooid.
“Ym em yutip O hajrong itæ i pyn-oor loom wa i oor khyndaw, katkam ka yutip yong nga, i chlai um ha kitu ki thaaiñ toh neidaw i tia ware ki dukan cha ki dooid wei katni da chah tympiah ki,” da ong u Lahkmen.
Da ong u wa ini haap i hapoh i pait ki bor District wei toh wow pynbait ki yeini lada neiliang ka Meghalaya namo Assan.
U Lahkmen da kyntait u leh wa em i pam khiar ya ki dieñ namo i pynjæd ya ki khloo ha khappood ka Meghalaya-Assam.
“Neiliang yong nga ymtip O iwon iwon, daw paan yutip O leh na ki sahep wei daw phah O leh wow lai pait ki yeini cha kitai ki thaw,” da ong u Montri.
(Feature Image-File Photo)
Discussion about this post