Ha u Lat lai ood ka AMSSASTA neidaw wym yoh tulop kiwa sikai la 5 bnai

Shillong: Ka All Meghalaya SSA School Teachers’ Association (AMSSASTA) ynne ka sngi da lai ki wow pynsñiaw hakhmat u Lat ka jylla, u Tathagata Roy wow tuklar chirup waka sorkar wow pyllait noh ya ka tulop kiwa sikai kawa da sahkut kattu la 5 bnai, wei kamjooh ka Arrear kawa ym em yoh ki la 8 bnai.

Hawa yaklam wa kiwa pathai khubor hadien i yachem wa u Lat, u General Secretary ka seiñ, u Defender Lamare da ong u wa u Lat da pynsñiaw u yei khyrngiat wa kiwa sikai ym em yoh tulop ki kattu la 5 bnai.

“I da pyntip i leh cha u Lat wa ym pdiang yei pynduna ya ka tulop cha ka T.15 hajar kamwa da booh da ka Project Approval Board (PAB). Lada ka PAB pynhiar ko ya ka tulop kiwa sikai, ka sorkar jylla toh u pyndap ko yeiwa duna wow su ya ka tulop kamwa jooh yoh i ha ki por wa dadep,” da ong u Lamare.

Heiyatoh yei wym biang su tulop, neiliang u Lat da kular u ya kiwa sikai wow yaklam u wa ka sorkar jylla hajrong ini.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Lamare wa ka Association da kyntu ki leh ya u Lat wow yaklam leh ya ka tulop kiwa sikai wow su noh katkam ka juk wa katni lyngba ka e-transfer wow phah bait ya ka tulop cha ka Bank Account yong ki.

Heijooh i por ki dkhot ka AMSSASTA da kyntu ki leh ya u Lat wow yaklam hajrong ka bai baam tymmen kiwa sikai SSA ka jylla, wow yarap ya ki hawa chong ngiah ki na i kreh.