Jowai: Ka seiñ JSU Jowai Circle katkam ka khubor wa da phah da u President ka Circle u Neal Jordan Rymbai da beiñ joor wei sñiawkhia ko hajrong i chah kyrriah kaam ya u SP ka WJH u Vivek Syiem du hapoh chisnem.
Ka Circle da dap ko dei sñiaw phylla heiyatoh wa ini kamjooh dap ko dei sñiawsih kawa khroo yeini wa leh ka sorkar kawa ym em yurim iyi iyi leh.
Katkam ka Service Rule ki sahep sorkar toh u neh ki hadooh le snem kamtæ ymye u pdiang yeini i chah kyrriah u Vivek khamtam man u uwa kreh wow pynku ya ka District.
Ka seiñ da beiñ joor ko ya ini i leh ka sorkar wei da kyntu ko ya u MLA ka thaaiñ wow bichaar bniah hajrong kani ka kaam chwa wow kyrriah ya uni u sahep sorkar.
Chooh chooh da ong ko leh wa lada jia kamni bait chakhmat wow kyrriah kaam ya ki sahep du hadien kattu kanti bani wa kreh ki cheiwon u poi ka District.
Discussion about this post