I mih u Dr. Lapang daw ktah ko ya ka Congress ha ka Election MDC wa MP: AL Hek

Jowai: U MLA ka BJP na Pynthorumkhrah, u Alexander Laloo Hek da ong u wa i mih noh u Dr. DD Lapang na ka Congress daw ktah bha ko ya ka party neibhah wa man u uwi na ki dkhot wa chongchit ka Conress uwa da man leh san sien kam u Montri Rangbah ka jylla na ka party.

U Hek da ong u wa i ieh noh u Dr. Lapang uwa man u dkhot wa da rim bha ha ka Congress daw wanrah ko i eh wa khroo ya ka party ha ka jylla.

“Hei sñiaw yong nga,  u Dr. Lapang man u uwa saiñ pyrthai wa da rangbah bha ha ka jylla yong i wei i mih na ka party kawa em u katni la kamwa 40 snem daw ktah ko ya ka Congress ha Meghalaya,” da ong u Hek.

“Waroh burom ki ya oo, wa man u uwa yahkhmat wa rangbah ka party wei bar u chah booh cha kdong ha ka Congress, da pynman ya oo wow ieh noh u ya ka party, iwa da pynkulmar ya ka Congress.”

Related posts

U pyndam ka Mizoram ya kiwa kreh sorkar ki wym ye wow leh yei kaam yong ki

November 28, 2024

Sdang ka sorkar da ka Community Public Private Partnership deiwa e yarap Rs. 106 klur

November 28, 2024

U Hek da ong u,”man i iwa sakhiat wa daw ktah bha ko ya ka Congress ha ka Election MP wa MDC ha u 2019 neibhah wa man u kam u Montri Rangbah warim ka jylla Meghalaya wei da iehnoh u ya ka party kawa da em u waroh chi kattu.”