Jowai : Ynne i janmiet ka 26 tarik da pynman ya ka “Yesterday Once More” kam chibynta yong ka Discover Jaiñtia 2016 ha District Library Auditorium, Mynthong, Jowai.
Kani ka program toh kawa da pynwyrngia ya ki paidbah da ki sur yongrim wa da tem da ka bhab wei kawa da rwai da ki san ngut uwi hadien uwi.
Kini kiwa rwai da tipmit da ka All India Radio, wa kiwa da chah pynkup burom da ka sorkar bei wa ka sorkar jylla.
Kini ki san ngut kynthup ki ya u ma Shandalang Talang uwa da bna naam bha na sor Shillong, u ma Phyrnai Marbaniang uwa man u wathoh sur uwa jooh kreh leh ha Jowai hapoh ka tnat DIPR.
U ma Phomlin Lytan uwa la 75 snem i rta wa u khon yong oo u ma Bari Mawthoh uwa kreh kam u pulit ha East Jaiñtia Hills.
Da em leh u nongrwai uwa da man kam u National Icon wa da jied da ka Election Commission of India, wei da pynkup burom ya oo da ka sorkar jylla ha u Duyatra 2016 utæ toh u ma Headingson Ryntathiang.
Discussion about this post