Shillong: Ka Bharatiya Janata Party (BJP) da ong ko wa ym pu em yaklam ko hajrong u kyrtong hunlang da ka sorkar Meghalaya Democratic Alliance (MDA) neibynta ka Election cha ka Dorbar Parliament (MP) ka wow man ha u snem wow wan.
Uwa e ktien ka BJP uwa man leh uwa pait ya ka party ha ka jylla Meghalaya, u Nalin Kohli da ong u wa hadooh katni ka party ym pu em yaklam ko weiyi weiyi leh heiyatoh wa i thmu wow em da u kyrtong hunlang na kani ka jylla neibynta ka Election MP wei yeini da ong u Kohli hadien ka yalang yong ka State Executive Committee ka Party kawa da pynman ha ka 15 tarik uni u bnai.
U Kohli da ong u leh wa ki seiñ saiñ pyrthai ki em ki ka yong ki ka hok wow pynkhreh ya u kyrtong hawa em ka Election lada em namo ym em u kyrtong wa da hunlang.
Ini i ong u Kohli toh wa hadien wa mih ka khubor wa ka UDP kawa emlang ha ka sorkar synrop MDA da em ko i thmu wow pynyieñ da u Jemino Mawthoh kam u kyrtong hunlang ka sorkar ha ka Election MP wow wan.
“I da yoo i wa ha ka Election chiteiñ samoi ha Ranikor, ki seiñ wa synrop ha ka sorkar MDA ki yakhun ki para ki, wei nga ym klam O iyi iyi leh hajrong wa u kyrtong hunlang wa katni,” ong u Kohli.
Da pynkut u deiwa ong wa ka Party dang bichaar chwa ko yei jia ha ki Election wa dang dep wei da thooh yumut leh na ki paidbah yow tip kammon wow leh ka Party.
Discussion about this post