Kwah ki 12 seiñ wow em ka sorkar, ka KHADC waka Hima Mylliem du iwi donhi i sniawthooh heiyatoh waka Them Iew Mawlong

Shillong: Ki 12 tylli ki seiñbhalang ynne ka sngi da yachem ki ya u CEM ka KHADC wow dawa wow poi noh cha ka ya sniawthooh yumut hapyrdi ka sorkar jylla, ka KHADC waka Hima Mylliem heiyatoh waka Them Iew Mawlong.

“I dawa i na waroh ki le lisng wow em ki ka yakrehlang wa yajan bha yow smat wow pynbait noh ya kani ka kaam wei toh u em ka sniawthooh lang ym toh ka wi ka liang da iwi hi i sniawthooh ki,” da ong u President ka Hynniewtrep Youth Council (HYC) u Robertjune Kharjahrin hadien wa yachem wa u HS Shylla.

Da ong u leh wa ki seiñbhalang yeiñ skhem ki wow kyrriah ya kiwa sah ha kani ka thaw kiwa man kam kiwa kreh sorkar wei wow pynmih noh ya kiwa chong wa sah pyrchah ya ka aiñ ha kani ka thaw.

Chooh chooh da ong u wa lada em kiwon kiwa da dep chna wa man pyrchah ya ka soskular wa da dep ya soi toh u tmpra ki wei kani toh ka thaw ka yaaw ka haat wei ym toh u sah ki bru wei ym man ko leh kawa biang wow em ki thaw mane blai wa ki skur.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024