Jowai: Ka lympung yalehke kynjat bol wa tip kam ka 14th Invitation Football Tournament 2018, heiwa ka song poisa ya kiwa jop Final u man ko T. 100,000 katwa ya ki warem won T.50, 000 wa pynman da ka Maya Sports Social Arts And Cultural Club Wahiajer, West Jaiñtia Hills District da sdang ko kani ka 18 tarik u nai khynde wei da wan wow wai ya ka da u Wailadmiki Shylla MLA ka 2-Jowai Constituency, chirup i sakhi lang kiwa boon ki manbei manpa.
Neiliang u kongsan hawa e yei klam ha kani ka sngi da e u i kyntu kyrsu ya kiwa yalehke wow lehbha wei wow chimkhia leh ya ka kaam yalehke Sport neibhah natlor wa e ko i chait i khiah hei dooh i pran katni da man haroh ko ka laad kamai ya ki. Kamtæ yooluti u leh wa lyngba kani ka madan u mih ki yalehke wa pawnaam haki sngi wow wan.
Ha kani ka sngi da sdang ka yakhun hapyrdi ka Ummulong SC pyrchah yaka Combine 11 heiwa ka Ummulong da jop ko da 3-0.
Hawa kyruiñ cha ka yakhun yong ka kylla step da man ko kawa yathaiñ bha hapyrdi kini ki arliang neibhah ym em wa yoh u pynkhih jar hadooh wa kut ka kylla step leh.
Ha ka kylla miet ka Ummulong da yoh ko wow thap 3 tylli ki kol lyngba u Monday Lamare haka minit wa 42, artylli da thap u Teilang Pangrope haka minit wa 56 lyngba ka Penalty wa kawa thap u haka minit wa 60.
Discussion about this post