Sdang myntoi ki bru samen na ka Crinoline Swimming Pool bar ya ka kaam yalehke

Shillong: Katkam ka jubab RTI cha u Shemphang Lyngdoh na Malki, Shillong da ong wa ka Crinoline Swimming Pool man ko kawa em hapyrdi i chitom wei ka Meghalaya Swimming Association (MSA) hanlada pynyatoh ko wa ka Meghalaya State Olympic Association (MSOA) tangwa ympu em tipmit ya ka kam ka Society.

U Lyngdoh hawa yaklam wa kiwa pathai khubor da ong u wa ka MSA nadooh u 2010 ym em de e ko ya ka bui krehkaam namo ka Annual Report wei wot hadooh ka Meghalaya Aquatic Association (MAA) ympu em register ko wa u Registrar of Societies.

Ka jubab RTI kdaw ko wa ka Cafeteria hapoh kani ka Crinoline Swimming Pool, man ko kawa pyrchah aiñ namo ka “Benami Transaction” heiwa da e wai wow pynlai ya ka cha ka Polo Towers Limited kawa kut hadooh 1 Naitung (April) uni u snem.

Ka State Sports Council (SSC) da ekti chwa ko yeini i kaam (Cafetaria) cha ka MASA ha ka 25 Naikhynde 2017 deiwa e T. 25,000 chi snem wa T. 2,000 man u bnai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heijooh i por ka MASA yoh nong ko T. 12,000 chi bnai na ka Polo Towers Ltd. kawa man ka yungwai neibynta ka Cafeteria.

U Lyngdoh da pyntip u leh wa ha u snem 2011, ka MSA da yoh ko T. 1.70 lak na ka bai psiah namo ka Entry Ticket wei T. 1.72 lak na ka Membership Fee.

“Iwa phylla dooh toh wa ka tnat ym em e wai ko ya kani ka thaw nadooh u snem 2009,” da ong u Lyngdoh.

Da pynsñiaw u leh yei sñiawsih wa heithaw wow pynku ya ka yalehke yimpa da pynku pathan ya ka yaaw wow myntoi ki kattu katni donhi.