Shillong: Ka Ministry of Rural Development, yong ka sorkar pyrdi da pynkup burom ko ya ka East Khasi Hills District da ka National Award, 2018 for “Best Performance in Gram Swaraj Abhiyan” (14 Naitung hadooh 5 Naisan,2018) na waroh ki jylla ka thaaiñ mihsngi.
Ka Gram Swaraj Abhiyan toh ka Special Campaign kawa sdang da ka sorkar pyrdi wow pait yei pynkrehkaam hok ya ki 7 tylli ki Flagship Programme na ki tnat ka sorkar pyrdi neibynta ki wow yoh myntoi ki paidbah.
Kini ki programme kynthup ki ya ka Pradhan Mantri Ujjwala Yojana (LPG connections for eligible families), Ujala Scheme (Unnat Jyoti by affordable LEDs Bulbs for all), Saubhagya (Pradhan Mantri SahajBijli Har Ghar Yojana), Pradhan Mantri Jeevan Jyoti Bima Yojana, Pradhan Mantri Suraksha Bima Yojana, Mission Indradhanush (Immunization of Children under 2 years and all pregnant women), Swachh Bharat (Village Cleanliness Drive).
Waroh da em hadooh 283 tylli ki chnong na ka District wa chah jied ha ka Gram Swaraj Abhiyan katwa ynñiaw tylli ki tnat krehkaam sorkar da emkti ki hei wow pynkreh ya kani ka Programme.
Ka dhab wa thung da ka sorkar pyrdi hadien wa pait wa sylli da phah ko ya ka bui pynkrehkaam hapoh ka Gram Swaraj Abhiyan wei da pachat wa ka East Khasi Hills District wow man ko kam kawa em hok u yoh ya kani ka National Award.
Discussion about this post