Beiñ ka Kur Tmung wa chah pynbaad ko ha u Secretary ka HANM ha ka yalang ka STIEH

Jowai: Ynne ka 22 tarik ka kur Tmung da pynman ko ya ka yalang hei yatoh wa i chah klam beiñ joor ko ha u Damon Dkhar u dkhot ka seiñ HANM.

Ha kani ka yalang da emlang u kñi ka kur u Em i Deilang Tmung uwa man kam u Chairman yong ka kur pyllun wa u General Secretary kur pyllun u Augustan Tmung, ka kur Tmung da sñawkhia ko yei chah pynrem joor ko ha u Damon Dkhar ha ka yalang wada pynman daka seiñ STIEH haka 20 tarik uni u bnai ha Iawmusiang, Jowai.

Ka kur da ong  ko wa u Damon hei klam yong oo da beiñ joor u ya ka kur Tmung deiwa ong u wa ka kur Tmung ym hoi u kheiñ yaka kam ka jaitbru Pnar hapoh ka bri u Ynñiaw Trep. Ka kur Tmung kyrchaan ko ya ka STIEH hei yatoh wa i kaam wa bha yong ka khamtam wow yarap u pynsñiawthooh ko wow pynkhlan yaka aiñ chongkha khleh wada pynmih daka KHADC.

U kñi ka kur u Em i Deilang Tmung da ong u wa ka kur Tmung haka 14-08-2016 da ka Affidavit da leh wow kylla naka “Timung” cha ka “Tmung” wei i daw wa pynkylla nei Timung chaka Tmung toh yow lait nei chah kheiñ Karbi Anglong, chooh chooh da ong u kñi waka kur Tmung da em ko hapoh ka ri Pnar nadooh wa sdang yaka Ri Pnar kamtæ kammon u Damon Dkhar nood u wow ong wa ka kur Tmung ym toh ki bru yong ka Ri Pnar heiwa nadooh ki pa, ki tymmen yong ka kur da man tre ki hapoh ka Ri Pnar wei da biang ko leh ya ki kot ki sla wow pyntikna wada man tre ko hapoh ka bri u Ynñiaw Trep wei neiliang u Malbi Tmung da kyrpaad u ya ka STIEH wym hoi u e klam kulmar ko haki bru ki wym em yurim.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Damon Dkhar kam u dkhot ka seiñbhalang wa em haka HANM uwa man leh kam u Secretary ka Central Body toh u em u ya i kitkhlieh wow lai pait bniah ya ki kot ki sla chwa u beiñ u ya ka kur kiwi.

Neiliang ka kur Tmung dei jooh i yumut da rai wow e ya i sneiñ wa eh ya u Damon Dkhar lada ym smat u paan maap.