Jowai: Ka Biate Youth Association (BYA) deiwa ya krehlang waka Nehru Yuva Kendra Jowai da pynman ko ya ka Block Level Youth Parliament ha ka chnong Saipung hajrong ka phang i yada na i kjut Niangpyrchit wa i chah ktah ka rymaw na i chah pam ki dieñ wa i emkaam i stat i tip.
Ya kani ka Youth Parliament da pynlai da u Spargeo Durpui, wei da wan kamwa 210 ngut kiwa chong chnong kiwa ya wan cha kani ka yalang.
Hajrong i kjut Niangpyrchit ka Niewkor Biam Supervisor PHC Saipung Block, da batai ko chaphang u jait khniang uwa pynmih ya ini i kjut uwa ktah ya ki khynnah wei leh ya kiwa da heh.
Da khana ko wa uni u khniang ktah u ya i doh i pran deiwa ku i chit, kyoh, i mih kha cha i doh wa kiwi kiwi wei lada ktah ko ya u klongsnaam daw kylla ko cha ka Pneumonia wei ye leh u ktah yei jabieñ wei ka sorkar katni da pynkhreh ko wow pyndooh noh ya ini i kjut dei wow wan cha waroh ki skur hadooh ya kitu kiwa da dep yoh inject nachwa wow leh pyrchah ya ini i kjut.
Halor i chah ktah i chah pam dieñ khiar da yoh ya i klam na u Pillarstone Ryngkhlem Headmaster, RMSA Saipung uwa ong wa i pam ya ki dieñ da man ko ka myllien wa sih bha yoo la kamwa da mylliñ wa ki dieñ kiwa pynim ya i uwi pa uwi neibhah ki dieñ kiwa e la-ær riñ mynsien i, kamtæ emkaam wow thung dieñ.
Hajrong i emkaam i stat won da yoh yei klam na u Rev. Lalliansunga Nanpui uwa da batai i stat man ko kam ki tiar pynkhreh yaleh thma wei lada ki bru stat ki, ka ri hi leh daw ku ko cha khmat wei daw wan leh i suk.
Ha kani ka sngi da pynman leh ya ka yakob dro hajrong ka phang i pam dieñ khiar.
Discussion about this post