Chah lute uwi u bru na Assam

Jowai : Katkam ka khubor wa da yoh na ki pulit da ong wa da yoh ki ya ka ujor na uwi u bru uwa da tip pyrtuid kam u Md. Zamil Ahmed Laskar.

Ha ka ujor u Laskar da ong u wa ha ka 20 tarik uni u bnai heipor kamwa 7 waje i miet heipor wa lai u na Hailakandi cha Guwahati ha ka kari Maruti Alto K10 yong oo kawa em yow number AS-24A-9303 wei heipor wa poi u ha ka chnong Sonapur, EJH da em ki damok hapoh ar tylli ki Bolero ki wym tip number da pynsangeh wei da knieh ki ya ka kari u.

Heini i jia ki damok da kdoh ki ya ki kti u wei da kdoh ki yei khmat u wei da tooh ki ya ka kari u wei da lute ki T. 22,000 na oo. Ki pulit da register ki ya ka case wei dang takit ki yeini.