Wan wai u Lat ka jylla u Tathagata Roy ya ka National Seminar wa ar sngi ha Kiang Nangbah Govt. College

Jowai: Ka National Seminar wa ar sngi wa sdang ynne ka sngi hajrong ka phang ‘Community and Identity Formation in North East India’ wa pynman da ka History waka Khasi Department ka Kiang Nangbah Government College, Jowai kawa kyrchaan da ka Voluntary Assistant Fund (CMs Fund), Rastriya Uchchatar Shiksha Abhiyan (RUSA), Indian Council Social Science Research Regional Centre, Indian Council for Cultural Relations, Regional Office, Shillong da wan wai ya ka ynne ka sngi da u Lat ka jylla u Tathagata Roy.

Ha kani ka sngi da em leh ki bru chemphang kiwa sikai ha ka skurbah NEHU heiwa u SN Lamare naka History Department ka NEHU da e u ya ki ktien maitphang ha kani ka sngi deiwa ong waka imlang ki jaitbru manda heh da boon bru ki da sdang ki u seiñ da ki Hima syiem deiwa e nongmuna leh ya ki syiem Jaiñtia kiwa da ksoh da bichaar ya kiwa boon ki thaw.

U DC ka WJH u LSN Dykes Garod won hei klam yong oo won da ong u waka imlang sahlang namo ki bru wa sñiaw man ki kam ka wi da phær ko katwa dang lai ki por deiwa e nongmuna ya ki LGBTQ kiwa katni hadooh ka Supreme Court ka India da tipmit ya ki kam kiwi na ki jaitbru hapoh ka ri wa em ki i hok yong ki. Da klam u leh chaphang kani ka Seminar wa da thmu ko wow ya phyllu yumut heiyatoh wa i kylla niam ki bru wei kammon da em kiwa yaleh wow pynneh pynsah ya ka riti dustur hawa wan hiar kiwi ki niam deiwa ong wa toh u husiar hawa klam ya kani yow lait u wanrah ya i sñiawthooh bakla.

U Wailadmiki u MLA ka Jowai Constituency hei klam yong oo da ong u wa ha ka pyrthai katni boon ki khynroo khyllood da bood ki ya i rukom im ki pharæng wei emkaam leh wow yada ya ka rukom im rukom man u warim wa jah wei kamjooh wow bood ya ki wei neiliang ka sorkar leh da wanrah ko ya ka rai hapoh dorbar wow kyrchaan wow dawa pynpsiah ya ka ktien Khasi wa Garo hapoh ka 8^th Schedule.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u Lat won da ong u wa hei lai luti wei da yoh u sah leh ha Russia heipor wa dang em ka Soviet Union da chem u wa kiwi ki ri wa ki khian paaid wa em haka da chah pynbor ki wow klam dei ktien Russia hadooh wa ha ki skur yong ki leh da sikai ya ka ktien Russia katwa ka ktien yong ki hi ym em wa sikai wei kamjooh cha kiwi ki ri hanlada pdiang ya ki khian paaid leh da pynbor ya ki wow im kamwa im kiwi ki heh paaid.

Kamtæ da ong u wa hapoh ka ri India won ym em kam ini neibhah da burom ya waroh ki jaitbru hapoh ka ri hanlada manda mih i napoh ka ri da tip ya i kam ki nong India tangwa hapoh ka ri India hi em ki jar jiar i manbru.