Da ki spah kilo noh ki bru ya ki tiar bordiñ wa sih ynne ka sngi ha Shillong

Shillong: Ka Environment Information System Resource Partner, ka Resource Partner Center, NEHU ryngkat wa ka M/s Rongjeng Technologies da pdiang ko palat spah kilo ki tiar bordiñ (Electronics) wa da sih wa wan noh ki bru ha ka thaw pynlang ya ki ha pchem ka State Central Library Shillong ynne ka sngi.

U Managing Director ka M/s Rongjeng Technologies Pvt Ltd, u Babul Gogoi da ong u wa kani man ko ka sien wa nyngkong wow pdiang ya ki tiar wa sih wa wanrah da ki paidbah wei daw wan pteiñ leh ya ini ha ki sngi wow wan.

“Katkam ka Electronic Management Rule 2016 ka sorkar pyrdi, kawon kawon ka yung krehkaam kawa em palat 20 ngut kiwa kreh toh u lai noh ki ya ki tiar bordiñ kiwa sih deiwa lai pyntip cha ka Pollution Control Board yong ka jylla,” da ong u Gogoi.

Da ong u wa da chim ya ini i rai wow pynman ya ini khnang wa ki paidbah ym nohroi ki ya ki tiar lyngkhot yow lait nei pyntaroi ya ka rymaw iwa ye wow wanrah yei maa.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Ya kini ki tiar wa mih na ini i wan noh ki bru daw dai cha ki karkhana wow chna thymme wei ya ka poisa daw e sñiawbha cha ki bor pynlai district wow yoh ki u pynemkaam ha ki kaam pynroi næ ki programme waphær waphær,” da ong u.

U Gogoi da ong u wa ki tiar wa wan noh kynthup ki ya ki kor (machine) chon kot, ki kor computer, ki heater, ki mobile, ki charger wa kiwi kiwi.

U Gogoi da khut u leh ya ki paidbah wa em ya ki tiar wa sih ki wym krehkaam de wow wan nob ya ki hadooh kani ka Sngi Choh-that.