Pyrchah ka chnong Ialong ya ka NHAI wow booh Toll Gate Plaza ha Ladsaliya

Jowai: Ka Dorbar Chnong ka Ialong da pyrchah ko ya i thmu ka National Highway Authority of India (NHAI) wow chna ya ka Toll Gate Plaza ha u sarokbah NH-44 ha Ladsaliya, Ialong, West Jaiñtia Hills.

Ki dkhot ka Ialong Dorbar Chnong ynnin ka sngi da e ki ya ka chithi pyrchah ya ini ha u Project Manager ka NHAI wow booh ya kani ka Toll Gate ka NHAI.

“I tip i wa ka NHAI da em ko i thmu wow chna ya ka Toll Gate Plaza ha u NH-44 at Ladsaliya, Ialong nachwa tangwa ha ka Public Hearing wa pynman ha ka chnong Pasyih, ka Dorbar Chnong Ialong deilang wa kiwa chong chnong da pynsñiaw ki yei pyrchah wow booh ya kani ka Toll Gate ha kani ka thaw,” da ong ha ka chithi.

Kiwa chong chnong da ong ki wa da pyrchah ki deilang wa ka chnong Thadmuthlong, Mihmyntdu wa Pasyih wei da e yumut ki wow booh ya kani ka Toll Gate ha Jowai Bypass hapyrdi ka Thadlaskein wa Lum Bihsyntu ka chnong Mihmyntdu yow suk i khih i khan ki paidbah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Tangwa da chem wa ka NHAI da bkla ko ya i thaw wow booh ya kani ka Toll Gate Plaza deiwa pynbyna wow haap ko hapoh ka chnong Pasyih kawa haap hapoh ka Elaka Shangpung.

Da pyntip leh wa katkam ka Notice wa yoh ki tre thaw na u DC ka WJH da ong wa kani toh katkam i thmu wow chna ya ka sarok na Jowai-Ratacherra katkam wa da e NHAI.

“Ini toh man i iwa bakla neibhah kani ka thaw haap ko hapoh ka Elaka Jowai,” da ong ha ka chithi.

“I pyrchah joor i yei ini waroh wei emkaam leh wow lai lyngba ka Dorbar Chnong yow yoh bor wow leh ya ini wei ka NHAI leh toh u leh ko ya ini kamjooh,” da ong ka Dorbar Chnong ka Ialong.

(Feature Image-For Representational Purpose)