Ye u pynkha ya ka South East Khasi Hills District lada yoh poisa ka sorkar jylla

Shillong: U Montri Rangbah ka jylla u Conrad K Sangma da sñiaw u wa i dawa wow pynku ya ka Sohra Civil Sub Division cha ka District wa thymme da man i iwa chongnia tangwa ka sorkar em ko hapyrdi i chitom poisa.

Yeini da ong u Allan West uwa man kam uwa ektien ya ka South East Khasi District Demand Forum (SEKDDF) hadien i yachem wa u Conrad ynne ka sngi.

Da ong u Conrad wa da em i angnood wa chipor wow dawa ya kani ka District wa thymme wei da yooluti wa ini waroh daw man kaam i.

U Allan West heijooh i por da pynrap u wa i dawa wow e District ym i iwa khlem yurim tangwa hadien wa yañia wa ki waheh wasan da chem wa da emkaam ya kini waroh.

Related posts

Wa man Rangbah Shnong ki Garo, lai kdaw ka KHNAM ha ka KHADC wa man i pyrchah ya ka aiñ

November 26, 2024

Heipor tlang wa duna um ym ye u leh iyi iyi: Marcuise N Marak

November 26, 2024

Da ong u leh wa i em ka District daw wanrah i yei yajan hapyrdi ki paidbah ka District wa ka sorkar khamtam hawa ka Sohra da yaar bha ko katni.

Da kdaw u leh wa ka Sohra da ku bha ko ha ki snem wa da lai liang wanang wei hanlada ym em ka Taj Mahal namo ka Great Wall of China leh iwa yoosuk kini ki thaw da riñ bait ko ya ki paidbah.

Da ynrap u leh wa ki ar ngut ki MLA ka thaaiñ wa kynthup ya u Dr. Donkupar Roy na Shella uwa man leh u Lamphang ha Yung Dorbar wa kamjooh u Gavin Miguel Mylliemngap na Sohra da pynsñiaw ki yei kyrchaan yeini i dawa District.

Hawa kylli won wa kammon u pyntikna wow man kaam i dawa yong ki, ka seiñ da ong ko wa daw booddien ko yeini i kreh waroh khamtam wa ki ar ngut ki MLA ka thaaiñ.

U Allan da ong u wa ka Sohra da emkaam wow pynku kyrdan ya ka cha ka District neibhah wa em chiboon ki thaw uiñke ryngkat i paitsiar na ki bor sorkar soodong sookun.

Da pynkut deiwa ong wa ym kwah ki wa ka Sohra manda yoh District wow em de i pynjæd tympra ya ka rymaw liang wanang.