Kem ki khynnah wa sah Hostel ya ki chijur wa leh khlemakor hapoh u pood ka KNGC

Jowai: Ki khynnah wa sah Hostel yong ka Kiang Nangbah Govt. College Jowai, ynnin i meit ka chi tarik heipor wa kamwa 9:30 da chem ki ya ki chijur wa leh khlemakor ha hapoh ka Compound ka College wei da pyntip ki leh yeini i jia cha ki dkhot ka Student Union yong ka College.

Ya kini ar ngut da rah ha kamra u Principal neidaw wa leh khlemakor ki da ki dkhot ka Student Union chirup i emlang kiwa sah Hostel ka College.

Da pynbaad ki khynnah wa sah Hostel wa kani ym toh ka sien wa nyngkong wa chem ya kini ki bru wa leh khlem akor ki ha Compound yong ka College iwa da pyndooh burom ya ka College.

Neiliang yong ka Student Union won da ong ko wa ym hoi de u jia biang ya kam kini ki jait kaam ym du ya kini, kamjooh leh ya kiwi wa wan leh khlem akor hapoh u pood u ang ka College wei daw pyn chitom joor ya ki kat kam ka aiñ.