Wai emwarom ka Seiñraij Ialong ya ka Khnap Thangbru yong ka kawa T. 25 lak

Jowai: U C.P. Marak, IFS, PCCF & HOFF, ka sorkar jylla ynne ka sngi da wai paidbah u yaka Knap Thangbru ka Seiñraij Ialong wa tip kam ka “Kambel Shullai Eco-Friendly Crematorium” kawa kyrchaan poisa da ka tnat Forest and Environment ka sorkar jylla lyngba ka 13th Finance Commission kamwa T. 25 lak tyngka ha u snem 2015.

Ya kani ka yarap posia, ka Seiñraij Ialong da yoh ko lyngba i yarap u C.P. Marak heipor wa dang man u kam u Additional Principle Chief Conservator of Forest, Social Foresrty & Environment ka sorkar jylla.

Kani ka Knap Thangbru em ko ha ka thaw wa tip kam i Piah-chyieñ, wei da sdang wow chna ya ka nadooh u snem 2015.

Ha kani ka sngi wai da emlang ki waheh ka Seiñraij Jowai wa kynthup ya u President u O.R.Challam, u Marki Mulieh kam u President Seiñraij Ialong, u Singh Mulieh uwa jooh man leh kam u MLA warim, nalor ki DFO kamjooh ki Ranger officer ka tnat Forest wa kiwi kiwi de.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U O.R.Challam hawa e klam chwa wow wai ya ka Knap Thangbru da khana u yei parom wa tbian yei sdang ya kini ki Knap Thangbru ha jylla kawa da seiñdur da u (T) Kambel Shullai uwa naka chnong Jowai wei da chna nyngkong leh ha chnong Jowai. Da pyntip u wa hadooh katni da em kamwa 52 tylli ki thaw wa da pynemkaam ya kani ka Knap Thangbru tangwa em leh ki thaw wa hadien wa dep chna ym em pynemkaam ya ka.

Neliang u kongsan u C.P. Marak da ong u wa hanlada ka jylla Meghalaya man ko kawa khian tangwa man ko kawa em ki spah wa boon rukom nadooh ki mar pohkhyndaw, ki thaw uiñke suwari kiwa kiwi ki jylla ym em ki, kamjooh leh kani ka Knap Thangbru kawa da sdang napoh ka jylla kawa kiwi ym em ki.

Da yaroh u leh ya u (L) Kambel Shullai yei stat yong oo wow e sñiawbha cha ki pateiñ wow wan deiwa ye u pyndep smat ya ka pyndep niam thangbru ha i por wa tbian, i duna i pynemkaam dieñ wei kamjooh duna ka lut ka sep.

Da ong u leh wa nachwa i lut ki dieñ toh iwa boon bha tangwa deiwa em kani ka Eco-Friendly Crematorium i emkaam dieñ man ko kawa duna bha iwa yarep leh wow pynneh pynsah ya ka rymaw.

Kiwi de kiwa klam kynthup ki ya u Marki Mulieh, u Sing Mulieh, u Meki Phawa General Secretary Seiñraij Ialong wa kiwi kiwi de.