Da wai ya ka website ki warep yow yarap ya ki ha ki kaam rep wa kiwi kiwi

Shillong: Ka website ki warep hapoh Meghalaya ka www.megfarmers.gov.in da pynlait paidbah ya ka ynne ka sngi da u montri ka tnat rep ka jylla, u Banteidor Lyngdoh ha Yojna Bhavan, Shillong hei emlang u Additional Chief Secretary and Agriculture Production Commissioner, u K N Kumar, Secretary, Agriculture ka MN Nampui, Deputy Director General NIC, u Timothy Dkhar ki sahep ka tnat, ki warep wa kiwi kiwi wei yeini da pynyooleh cha ki warep ka ri loom Garo lyngba ka Video Conferencing.

Kani ka website toh ka yong ka tnat Agriculture heiwa da booh ya ki yutip hajrong i rep i riang nadooh ka insurance, ki mar, ki symbe, ki kor loor, i dor sboh wa kiwi kiwi.

U Banteidor Lyngdoh hawa e i klam da ong u wa kani ka website daw yarap ko ya ki warep ha kiwa boon ki liang neibhah da em ki yutip wa ye ki wow pynemkaam.

Chooh chooh da ong u wa ka sorkar pteiñ ko wow yarap ya ki warep kamjooh wow pynmiat yei rukom im yong ko wei wa ka tnat yaleh ko wow wanrah ya ka Agriculture Policy wei wow booh ya ka Minimum Support Prices ya ki mar rep.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U Additional Chief Secretary and Agriculture Production Commissioner, u K N Kumar da pyntip u wa ya kani ka website da chna deiwa yoh yarap poisa na ka sorkar pyrdi lyngba ka National e-Governance Plan hei yakrehlang wa ka National Informatics Centre, Shillong. Da pyntip u leh wa neini ya kani ka website daw thoh noh hei ktien Khasi wa Garo.

Kiwi kiwa da klam kynthup ki ya ka Secretary, Agriculture ka MN Nampui, Deputy Director General NIC, u Timothy Dkhar wa u A Kharsati, General Secretary ka Hill Farmers Union.