Jowai: Hadien wa pyndep ya ka esikai hapoh ka Mission Sahasi namo ka esikai ya ki kynthai khynnah wow yada ki pyn daki yaki hi kawa pynman da ka Akhil Bharatiya Vidyarthi Parishad (ABVP) ha Lady Kean Higher Secondary School, Shillong ha ka 5 tarik uni u bnai, ynne ka sngi da leh ya kani ha Marian Hills Higher Secondary School.
Ya kani ka esikai da pynman hei yakrehlang wa ka yung krehkaam u Superintendent of Police, West Jaiñtia Hills.
Hapoh kani ka esikai ka ktien imsngi yong ka man ko wa ymtoh du wow pynkhlan yei doh i pran tangwa wot hadooh i bor pyrkhat wei wow man ki kiwa chlur.
Ya ki khynnah da wan esikai da ka pulit kynthai hapoh i yahkhmat ka Sweety Nongdhar.
Ha kani ka sngi da pynlait leh ya ki poster yong kani ka Mission.
Ini man i katkam wa pyntip da ka Mission Sahasi State Convenor ka Darilin Tang, kawa man leh kam ka State Secretary yong ka ABVP.
Discussion about this post