Dawa ka Mynthong wow pynchitom ya kiwa emkti wow tynyap ya ka manbei

Jowai: Ka Dorbar Chnong Mynthong da pynsñiaw ki ya ka sñiawsih wa khroo hajrong i chah tynyap ka (L) Daphibanker Phawa wa i chah pynmynsoo u kurim yong ka u Shwamiki Law kiwa man ki dkhot ka chnong iwa da jia ha ka miet 11-10-2018 hapoh i yung wa sah ki iwa hap hapoh ka chnong Mynthong.

Ka chnong da beiñ joor ko ya ki damok kiwa yoo la kam wym em mynsien bru de, kiwa nood wow leh ya kani ka kaam wow chim ya ka mynsien wa lui lui ka manbei.

Ka Dorbar Chnong da pynsñiaw ko leh yei sñiawngooh ya ki bor pulit ka Jowai Police Station kiwa da chimkhia wow poi smat cha kani ka yung mar wa yoh yutip ki chaphang ini wa jia.

Ka chnong da booh kyrpaad ko ya ki bor wa ksoh ya ka aiñ wow sñiawbha ki wow tih bniah hadooh wow chem ya kiwa emkti wow tynyap bru wei wow pynchitom ya ki da iwa khia bha.