Poi ki sim wa phylla ha Jowai iwa pynkhyrngiat ya kiwa boon

Jowai: Ki bru wa lai luti na Moosalyngkat ynne i step da yoo ki ya ki sim wa phær kiwa chong hajrong ki dieñ wa em ha loom tlep-bru ka Balang Unitarian, Jowai.

Kini ki sim toh ki rong lieh wa kiwa rap heh wei da em ki kamwa 8 tylli.

Hadien wa wan ki wa kreh ka DFO, Wildlife da pyntip ki wa kini ki jait sim toh ki Cattle Egret.

Hawa yaklam waka DFO, Wildlife ka H. Lato da ong ko wa kini ki sim heipor ah kba jooh poi ki cheini wei da jooh em ki kam cha Thadminri, Namdong, Umkiang, Muktapur wei kini ki tre chnong da pyntip ki wa ha ki por ah kba da wan bait ki tangwa hadien won manda yut ki ym tip cheiwon lai ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka DFO da ong ko leh katkam wa tip ko kini ki jait sim ym jooh em wan ki cha Jowai wei em ki cha ki thaw wa chit wa ki chnong khappood ka jylla.

Ye u man wa neidaw wa joor u slap tæ da pynwit u yei lai luti kini ki sim wei da wan dem ki chipor ha ini i thaw.