Jowai: Katkam wa pynbait lang yong ki kiwa yahkhmat na ki Study Centre kiwa em ha East Jaiñtia Hills, West Jaiñtia Hills, East Khasi Hills, Ri Bhoi, West Khasi Hills wa South West Khasi Hills District da pyntip wa ka yalang yong kitu waroh kiwa dang yang wow pynbait da ka NIOS hajrong ka Result yong ki, wow sñiawbha wow poi cha ka yalang ka wow pynman ha ka 17 tarik uni u bnai heipor 10:00 waje i step ha Khasi National Durbar Hall Mawkhar, Shillong.
Katkam ka wyrta khubor na ka R. Shadap ha katai ka yalang ki Trainee toh u wanrah ki ya ki kot ki sla yong ki wow paynsakhiat kam ki D.El.Ed Marksheet, D.El.Ed ID Card khnang wow ye u e yukheiñ ya i pyrtiud yong waroh ki Trainee ki wympu biang ki Result yong ki wei wow phah leh cha ka Meghalaya SSA School Association (MSSASA) kawa pait ya ini i eh nadooh wa sdang yow tip ko leh wow leh yeiwa emkaam.
Ha kani ka yalang daw yaklam leh yei eh i khoo wa tyngkhooh ki Trainee kiwa haap ha ki Study Centre ki wym pteiñ kamjooh leh kiwa kyntait wow chim ya ki kot ki sla wa yatoh wow pynbait ya iwa bakla wa kiwi kiwi.
Ha kani ka yalang kiwa yahkhmat ka MSSASA Central Body u Aristotle C Rymbai, President wa u H.M. Marbaniang General Secretary leh daw emlang ki wow pynche hajrong ki kaam katkam wa da booddien wa ka Regional Centre, Guwahati kamjooh leh wa ka sorkar.
Discussion about this post