Shillong: Ka National Commission for Scheduled Tribes (NCST) da hiar ko cha West Khasi Hills District, hapoh i yahkhmat u dkhot yong ka, u Hari Krishna Damor, hei emlang u S.P. Meena Assistant Director heiwa da yachem ki ya u Syiem ka Hima Nongstoin, ki rangbah shnong wa ki Sordar kiwa haap hapoh Nongstoin wa kiwi ki thaw, hei emlang u DC, SP ka District hei pynlai ka Planning Department, hapoh Circuit House Nongstoin.
Ha kani ka yalang neiliang u Hari Krishna Damor da khana yeiwa chem ka Commission heiyatoh wa i sih u sarok, i thut i rukom saam bordiñ, ka um dih, wa kiwi kiwi wei u Damor da kular u wow rah yeini hakhmat ka sorkar pyrdi lyngba u Chairman ka Commission.
Uni u dkhot ka Commission da yachem u leh wa ki heh yong ki chnat waphær waphær ha Conference Hall ka yung krehkaam u DC ha Nongstoin heiwa da yaklam hajrong ki phang wa boon nadooh ka scholarship, hostel ya ki chyrang wa kynthai, ka mid-day meal, PDS wa kiwi kiwi.
Ki sahep sorkar da kyntu ki ya ki dkhot ka Commission wow pynkylla wow pynthymme ya i rukom krehkaam ki scheme katkam wa man ki chnong ki thaw, i boon bru, wa kiwi kiwi.
Ki chnong da e dorkhat ki leh ha ka commission heiyatoh wa i eh i khoo ki paidbah khnang wow booddien ka Commission.
Discussion about this post