Jowai: Ka World Food Day ynne ka sngi da lehwarom ya ka ha Jowai ha Dulong Indoor Stadium, Jowai kawa pynman da ka yung krehkaam District Agriculture Office, Jowai chirup wa ka District Horticulture Officer, Jowai, ATMA wa ka KVK, Jowai hajrong ka phang yong ka pyrthai waroh kawi kawa ong ‘Our action are our future, a zero hunger world by 2030 is possible.’
U District Agriculture Officer (DAO) u W. Marbaniang ha ki ktien lamphang yong oo da pynchlur ya ki warep wa embynta wei e khublei u leh ya u Sienwanmiki Bareh, u waheh chnong ka Dulong uwa smat wow man kam u kongsan hadien wa u DC ym lait u emlang ha kani ka sngi neidaw wa em ki kaam wa jhan wa mih syndet.
U DAO da pyntip u wa ya kani ka World Food Day da lehkmen ya ka man u snem ha ka 16 tarik u Naichiphaw yow wanrah yei pynsñiawthooh paidbah chaphang i dooh i duk wa i dooh baam.
Kani ka sngi da man ko leh ka wow pynchlur ya ki paidbah wow thooh laad kammon wow leh yow pynwiar yei dooh ja ki bru heiwa hapoh ka pyrthai dang man ko kawa joor bha heiwa 805 million ngut ki bru ymyoh baam ki wei 60% ki kynthai wa 5 million ngut ki khynnah chitom ki neidaw wym yoh ki u baam da ki baam wa biang wa ye u tei ya i doh i pran wei da khut u ya waroh wow sai ya ki buit yong ki kammon wow pynku ya i pynmih baam wei da pynchlur u leh ya ki warep wow rep ym du ya ki jhoor ki jhep kamjooh leh wow psan ya ki mrad yow pynku yei khlan pynmih baam ki.
Ka Dr. A.E. Passah na ka chnat Veterinary da klam ko chaphang i pyn pun-khon ya ki mrad deiwa pynemkaam da i stat sayan.
Ha kani ka sngi da pynman leh ya ka e sikai ya ki warep hajrong ka phang ‘Bring back traditional fruits & vegetables back on our plate so as to enhance nutritional content, Integrated Farming System for a Zero Hunger by 2030’ waka ‘Soil Health Card.’
Discussion about this post