Jowai: Kiwa yahkhmat ki chnong ka thaaiñ Riwar Mihngi kiwa haap hapoh ka Pynursla Civil Sub-Division da pynsñiaw ki yei kyrchaan ya ka sorkar jylla yei thmu wow pynmih ya ka District wa thymme ka wow tip kam ka South East District Sohra lada booh ya ka Headquarter wa thymme kani ka District ha Elaka Laitlyngkot yow suk wow ryntih i rukom krehkaam ki ar tylli ki Civil Sub-Division ka Pynursla Civil Sub-Division waka Sohra Civil Sub-Division.
Ha ka chithi wa da e cha u symbood montri rangbah u Prestone Tynsong da ong wa lada booh ya District Headquarter ha Sohra, ki paidbah ka Riwar Mihngi hapoh ka Pynursla Civil Sub-Division daw pyrchah ki wow emlang ka Pynursla Civil Sub-Division hapoh kani ka District ka wow chna thymme.
Kamtæ da kyrpaad ya ka sorkar wow chimkhia ko ya ini i rai ki paidbah ka Riwar Mihngi.
Discussion about this post