Jowai: Uwa yaleh Wrestling ka WWE uwa pyrtuid tre Leati Joseph Anoaʻi, tangwa da tip ya u hapoh ka Ring kam u Roman Reigns, da pynbna u wa u dam chwa u wow yachoh wrestling yow yaleh u pyrchah u na i kjut Leukemia namo kjut snaam.
U Reigns, toh jooh man u kam uwa yalehke American Football tangwa hadien won da man u kam uwa yaleh wrestling wa pawnaam ka World Wrestling Entertainment’s (WWE) wei ha ka miet ka 22 tarik da pynbna u wa la 11 snem da im u wa i kjut Cancer wei katni da wan biang ini i kjut.
Kamtæ da pynlait u ya u WWE’s Universal Championship Belt yow yaleh pyrchah u ya i kjut Leukemia.
“Heipor wa em oo 22 snem da yoh oo ya ini i kjut tangwa da ye u chait smat ya ini i kjut (remission) wei da man ko i bynta wa eh dooh wa maad O heiwa da im neibhah ym em khih em khan O, ym em poisa, ym em yung wei su u yoh khon ka kurim O,” da ong u Reigns ha Rhode Island hawa sdang ka Monday Night Raw.
Da e khublei u leh ya ka WWE wa da elaad ko ya oo hadien wa kut ka yalehke American Football heipor wa ym em khih em kreh u.
“Nga kwah O wow klam che wa ini ymtoh i chong ngiah daw pynrem O ki ini i kjut wei daw wan biang O.” Da ong u.
U Roman Reigns da mih u napoh ka Ring deiwa ieh ya u Universal Title belt hapyrdi ka ring.
[arve url=”https://www.youtube.com/watch?v=cSSLHiWpe0k&feature=youtu.be” /]
Discussion about this post